úr einu í annað

Nú hafa samningar verið lausir í 10 daga og ekki er vitað hvað við verðum samningslausir lengi og hvað þarf til að ná samningum .Útlitið er ekki bjart í samningamálum.menn bera ýmislegt fyrir því að ekki er hægt að ná samningum .

Það er skýlaus krafa að menn geti lifað af dagvinnu á sómasamlegan máta .

Lágmarkslaun þurfa að fara upp í 200.000 fyrir 160 kl vinnu á mánuði 

Persónuafsláttur þarf að hækka ,eða að lækka skatta um eitthvað sem telur .

Ég er satt að segja orðinn þreyttur á því að þurfa að vinna tvöfaldan vinnudag til þess að geta haft hús yfir mig og til að geta keypt mér inn að eta og hafa engan afgang hvað þá fyrir sparnaði til mögru áranna eða til ellinnar sem óðum færist nær hjá mér .

 

Það þarf að nema úr gildi verðtrygginguna ,það þarf ekki nema 1 pennastrik .

Verðtryggingin var sett á til bráðabyrgða á sínum tíma ,ansi langt þetta bráðabirgðatímabil .Eitt annað sem mig langar að minnast á er maður borgar vexti af verðtryggingunni ,hvers konar glæpastarfsemi er þetta að verða hérna hjá bönkum og sparisjóðum . Það er með öllu ólýðandi að maður sjái engan árangur með því að borga af lánum ,lánin gera ekkert annað en að hækka sama hvað borgað er .

Skrýtið að þegar um verðhjöðnun er að ræða þá lækka lán ekki ,hvernig er verðtryggingin reiknuð út , hver þekkir þennan útreikning og er hann löglegur gagnvart stjórnarskrá eða öðrum lögum í landinu?

Ég held satt að segja að í raun eru fáir sem til þekkja og er eflaust orðinn svo flókinn að til óþurftar er og ber að finna annað módel til að byggja á .

Við þurfum ekki að finna upp hjólið getum leitað í smiðju Finna ,sem sjá árangur af því sem þeir borga í lán.

Eflaust eru mörg mál sem þarf að minnast á en ég held að þessi mál sem ég hef nefnt séu heitust og þau mál sem myndu hjálpa öllum til betra lífs .

Gera þarf öldruðum kleift að vinna án þess að til skerðingar komi á lífeyri sem þetta fólk á svo réttilega . Sem betur fer getur margt fólk sem komið er yfir 67 ára unnið og þjóðfélagið á að fagna því að það bæði getur og vill vinna áfram .

Heilbrigði er nauðsynlegt og til þess að svo geti orðið þarf að hætta þessum endalausum niðurskurði sem er bjarnargreiði ,því það virðist vera komið á þann veg að fyrir hverja krónu sem sparað er ,er sú króna tekinn til baka í næsta árs áætlun og þannig hefur þessi niðurskurður lent í ógöngum ,sem hver fjármálamaður ætti að sjá .

Það er ljóst að það þarf að taka til hendinni og forgangsraða og halda sig við þann forgang sem samningar nást um ekki eilífar breytingar á þeim lista .